ФЕДЕРАЦИЈА

Во Македонија, Таеквон-до ИТФ има длабоки корени, датирајќи од 1992 година. Овој спорт во нашата земја е донесен од страна на Саша Поповски, кој денес е почесен претседател на Македонската Таеквон-до Федерација (МТТФ). Првиот Таеквон-до ИТФ клуб во Македонија е основан на 22 февруари 1992 година – Таеквон-до клуб МАСТЕР, кој опстојува и успешно функционира до ден-денес, пренесувајќи го духот и традицијата на оваа боречка вештина.

Таеквон-До ITF (International Taekwon-Do Federation) е корејска боречка вештина основана од генерал Чои Хонг Хи во 1955 година. Оваа дисциплина е комбинација на традиционални корејски боречки стилови, како што е Тае Кион, Су Бак и модерни боречки техники инспирирани од карате и други боречки системи.

Основи и создавање

По завршувањето на Втората светска војна, Кореја ја стекна својата независност од Јапонија, што доведе до подем на националните боречки традиции. Генералот Чои Хонг Хи, кој бил високо рангиран офицер во корејската војска и изучувал различни боречки вештини, започнал да развива нов систем базиран на моќни удари, научни принципи и дисциплина.

На 11.04.1955 година, тој официјално го нарече овој систем „Таеквон-До“, што значи:

• Тае (태; 跆) – Удари со нозе
• Квон (권; 拳) – Удари со раце
• До (도; 道) – Пат, филозофија или начин на живот

Основaње на ITF

На 22.03.1966 година, генерал Чои ја основал International Taekwon-Do Federation (ITF) со седиште во Сеул, со цел да го промовира и стандардизира Таеквон-До низ светот. ITF се фокусира на:

• Традиционални форми (тули)
• Борбени техники и спаринг
• Самоодбрана
• Тест на снага
• Специјални техники
• Физичка и ментална дисциплина

Поради политички несогласувања во Јужна Кореја, генерал Чои во 1972 година го преместил седиштето на ITF во Канада и започнал да ја шири вештината на глобално ниво.